RULES AND REGULATION


‘सेवक नेपाल’मा जोडिएर रहने माध्यमहरु

१)सहयोगी:-
सेवक नेपालमा सहयोगीको रूपमा रहनको निम्ति आर्थिक, नैतिक वा भौतिक सहयोग गरेको हुनुपर्नेछ। यसै सहयोगलाई आधार मानेर ‘सेवक नेपाल’को सहयोगी लिस्टमा तपाईको नाम रहने छ, जो कहील्यै हराएर जाने छैन र तपाईले  चाहेको बखत खोज्न वा हेर्न सक्नु हुनेछ । जस्तो कि तपाईको जीवनमा कुनै खुशी, उमंगहरु, जन्म दिन, वैवाहिक सम्बन्धको वार्षिक उत्सव तथा भेटघाट वा अन्य पुन्य तिथिको अवसरमा समेत दान-दक्षिणा जस्ता पवित्र उद्देश्य लिएर पनि सहयोग गर्न सक्नु हुनेछ र  सहयोगीको रूपमा दर्ज भएर रहन सक्नु हुनेछ।
सहयोगको प्रकार,
१. एकै पटक वा पटक पटक गरि रु. ५०००० (पचास हजार) वा सो भन्दा माथि सहयोग पुर्याउने व्यक्तिले लिन चाहेमा यस संस्थाको आजीवन सदस्यता प्रदान गरिने छ l
२. अभियन्ता बनेर ५०००० (पचास हजार) वा सो भन्दा बढि सहयोग पुर्याइ छोडेको व्यक्ति पनि यस संस्थाको आजीवन सदस्य हुनेछन् l
३. रु. १००००० (एक लाख) वा सो भन्दा बढि सहयोग गर्ने व्यक्तिलाई आजीवन सदस्यताको साथ विशेष सम्मान प्रत्र सहित दोसल्ला ओडाएर सम्मान गरिनेछ l र शिला लेखमा लाम लेखेर राखिने छ l
४. रु. ५००००० (पाच लाख) वा सो भन्दा माथि सहयोग पुर्याउनु हुने महानुभावहरुलाई विशेष सहयोगी रुपमा लिइनेछ l उक्त महानुभावहरुलाई विशेष सम्मान सहित संस्थाको कार्य कक्षमा फोटो सहितको बिबहरण खुलाएर राखिनेछ l      
५. रु. २५००००० (पच्चीस लाख) वा सो भन्दा बढी सहयोग पुर्याउनु हुने महानुभावहरुको संस्थाको परिसरमा सालिक बनाएर राखिने छ l
६. रु. १००००००० (एक करोड) वा सो भन्दा माथि सहयोग पुर्याउनु हुने महानुभावहरुको संस्थाको परिसरमा सालिक बनाएर राखिनुको साथै भवनमा समेत नामाकरण गरिनेछ l
 
२)अभियान्ता:-
‘सेवक नेपाल’मा अभियान्ताको रूपमा रहन चाहनु हुने व्यक्तिहरुले यस संस्थामा आबद्ध भएको मितिबाट स्वैच्छिक सदस्यता सहयोग कुनै पनि महिना नबिराई गर्दै जानु पर्नेछ । अभियन्ता भनेको अभियानको मुख्य अंग अभियानकर्ता, सम्योजक अर्थात सञ्चालक सबै नै हुने भएकोले इमान्दारी र चरित्रवान व्यक्तिले अभियानको दायराभित्र रहेर अभियान सम्बन्धी गतिविधिहरुमा समेत सहभागी जनाउनु पर्ने छ ।
 सहयोगको समयसीमा..     
नेपाल वा खाडी मुलुकमा हुनुहुने अभियन्ताहरुले प्रति महिना न्युनतम रु. ५०० र युरोप तथा अमेरिका, क्यानाडा, अस्ट्रेलिया लगाएत देशमा हुने अभियन्ताहरुले प्रति महिना न्युनतम १० डलर नघटाइ सहयोग राख्नु पर्नेछ l विविध कारणबस मासिक रुपमा सहयोग पठाइरहन झन्जटिलो भइ समस्या देखा परेमा हरेक महिनाको सहयोग जोडेर एकमुस्ट (तीन/ चार महिनाको एक चोटि) पनि सहयोग पठाउन सकिनेछ र त्यसमा आफ्नो आर्थिक अवस्था अनुसार सहयोग थपघट गर्न पनि सकिनेछ ।
अभियन्ताको काम, कर्तव्य, मर्म र धर्म..
यस संस्थामा आबद्ध भएको मितिबाट सेवक नेपालमा सबैको समान मर्यादा र हैसियत रहने गरि सबैको सुझाब, सल्लाह र योगदानलाई बरोबरी महत्व दिइएता पनि अभियन्ता बनेपछि नैतिकवान र चरित्रवान बनि अभियान सम्बन्धी आफ्नो दायित्व र जिम्मेवारी पुर्ण रुपले पालना गर्नु पर्नेछ । संस्थाले दिएको जिम्मेवारीलाई गहन रूपमा लिइ आफ्नो कार्यभार पुरा गर्नु पर्नेछ l अभियन्ता बने पश्चात् यस संस्थाको फेसबुक ग्रुपमा जोडिने छ, जसमा समय समयमा छलफल, सुझाव संकलन वा सल्लाहहरु भैरहनेछन् l त्यस छलफलमा अभियान सम्बन्धी आफूमा लागेको उचित बिचारहरु राख्न सकिनेछ तर अभियान भन्दा बाहिर गएर स्वार्थ उन्मुख कुनै पनि प्रस्तावहरु ल्याउन पाइने छैन । कुनै पनि राजनितिक सम्बाद र सम्प्रदाय भड्कने खालका बिचारहरु पनि ग्रुपमा राख्न पाईने छैन, जातिय क्षेत्रीय वा प्रान्तियतालाई मात्र आधार मानेर आउने प्रस्तावहरुलाई स्थान दिइने छैन ।  माथि भनीय झैं अभियानमा अभियन्ताको रुपमा आवद्द भएर अभियानको नीति नियम वा दायरा भित्र रहि नियमित सहयोग पुर्याउदै जाने व्यक्ति नै यस संस्थाको अभियन्ता हो तर अभियन्ताले सहयोग गर्न छोडेर ३ महिना देखि ६ महिना नाघेको खण्डमा वा संस्थाबाट बेखबर भै संस्थालाई जानकारी नगराइ निष्क्रिय भएको खण्डमा निजको नाम अभियान्ताबाट स्वत हटी सहयोगी लिस्टमा जानेछ, तर नेपाली ५०००० (पचास हजार) वा सो भन्दा माथि सहयोग पुर्यायर छोडेको खण्डमा भने माथि उल्लेख गरीय झैं आजिवन सदस्यता दिइनेछ ।
अभियन्ताको सम्मान..
अभियन्ता बनेर एक वर्ष पुगेको व्यक्तिको  संस्थाको कार्यकक्षमा निजको फोटो सहितको तिन पुस्ते नामावली र सम्पूर्ण सहयोगहरु खुल्ने गरि डिजिटल प्रविधिबाट विवहरण राखिने छ l  हरेक वर्षको वार्षिक कार्यक्रममा अभियन्ताहरुलाई दोषल्ला ओडाएर सम्मान गरिनेछ l
३ संरक्षक :-
यस संस्थामा अभियन्ताको रुपमा आबद्द भइ संस्थाको मूल्य र मान्यतामा रहेर नियमित सहयोग राख्दै करिव १० बर्ष पुरा गर्ने महानुभावहरुलाई संरक्षक मानिनेछ । र यो संस्थामा उत्कृष्ट योगदान पुर्याउने व्यक्तिलाई (अभियन्ता वा बाहिरको भए पनि) त्यस व्यक्ति संस्थामा सधै अपरिहार्य खाचो देखिएमा अभियन्ताहरुको बहुमतले चुनेर सिधै संरक्षकमा राख्न सकिने छ ।
अभियन्ताबाट संरक्षक अभियन्ता हुदै संरक्षक बनेका ब्यक्तिले आफू संरक्षक भैसकेर पनि नियमित सहयोग नटुटाई करिब २५ वर्षसम्म पनि लगातार गरेको खण्डमा संस्थाको परिसरमा उक्त व्यक्तिको नाममा सालिक बनाएर राखिने छ ।
 
४) दाता :-
संस्थाको लागि आवश्यक जग्गा दान गर्ने व्यक्ति मुख्य दाता हुनेछन् । रु. २५००००० (पच्चीस लाख) वा सो भन्दा माथिको जग्गा दान गर्ने व्यक्तिको नाममा पनि सालिक बनाएर संस्थाको परिसरमा राखिने छ l
 त्यस पश्चात् भौतिक बस्तुहरु जस्तै सेल्टर निर्माणर्थ सिमेन्ट, झ्याल,ढोका,फर्निचर ,धारा, पानी, भान्छा सामग्री,रुख बोटबिरुवा,लत्ताकपडा,स्टेसनरी सामग्री इत्यादी को सहयोग गर्नु हुने महानुभावहरुलाई पनि दाताको रुपमा राखेका छौं । ई माथिका कुराहरुको दान गरेर सदैब एउटा असल दाताको रुपमा पनि रहन सकिनेछ ।
             धन्यबाद !